МЫРЗАШӨЛ ӨҢІРІНІҢ БІЛІМ ӘЛЕМІ

Подробности

Жариялау мезгілі: 26 Қазан 2017

Подробности

Жариялау мезгілі: 08 Сәуір 2015

Құрметті достар! Астана қаласындағы «Зерттеуші» Республикалық ғылыми-білім беру орталығы Оңтүстік Қазақстан облысындағы Мақтаарал ауданының мұғалімдері мен оқушыларына арналған «Мырзашөл өңірінің білім әлемі» атты арнайы maqtaaral-bilim.kz Интернет-ресурсын ашып отыр.

Maqtaaral-bilim.kz Интернет-ресурсы – «Зерттеуші» Республикалық ғылыми-білім беру орталығы қолға алған «Оңтүстік Қазақстан облысы, Мақтаарал ауданы мектептері мұғалімдерінің ғылыми-әдістемелік жұмысы арқылы оқушылардың ақпараттық және медиа сауаттылығын, зерттеу дағдылары мен шығармашылық қабілетін дамыту» деп аталатын жобаның бір тармағы болып табылады.

Жобаның мақсаты мен міндеті:

Ауыл мектептерінде ғылыми-ізденіс жұмысын дамыту және мұғалімдердің аттестаттаудан өтуіне көмектесу;

Білім беру ұйымдарында ғылыми-әдістемелік жұмысын ұйымдастыру арқылы педагогтардың біліктілігін арттыру;

Педагогтар мен оқушылардың ғылыми, ғылыми-әдістемелік материалдары мен мақалаларын, ғылыми жоба және шығармашылық жұмыстарын, шығармаларын ғылыми журналдарымызда және Интернет-ресурстарымызда жариялау;

Педагогтар мен және оқушылардың ғылыми жарыстарға, олимпиадаларға, конкурстарға белсене қатысып, жүлдегер атануы үшін ғылыми-әдістемелік көмек беру;

Ғылыми-практикалық конференциялар, шығармашылық конкурстар, семинарлар, дөңгелек үстелдер, әртүрлі деңгейдегі педагогикалық оқулар өткізу.

Жобаның өзекті мәселесі:

Оңтүстік Қазақстан облысы, Мақтаарал ауданы мектептері мұғалімдерінің ғылыми-әдістемелік жұмысы арқылы оқушылардың ақпараттық және медиа сауаттылығын, зерттеу дағдылары мен шығармашылық қабілетін дамыту өте өзекті мәселе болып отыр. Мақтаарал ауданының http://maktaral.gov.kz/ ресми сайтында жарияланған 2014 жылғы мәлімет бойынша мұғалімдердің жоғары санат берілгені – 105, жоғары санаты расталғаны – 109, І санат берілгені – 334, ал І санаты расталғаны – 293. Мектепке дейінгі ұйымдарда біліктілікті арттырудан өткен педагогтар үлесі 18,5%, жоғары және бірінші біліктілік санаты бар педагогтар үлесі 6% құрайды.

Алайда, 2014 жылы Республикалық дейгейде 12, облыстық дейгейде 20 мұғалім ғана біліктілігін арттырған. Аудан көлемінде жарық көрген әдістемелік көмекші құралдар саны бар болғаны – 26.

2013 жылғы мәлімет бойынша мектеп оқушылары арасында өткен байқаулар мен сайыстардың жеңімпаздары саны: халықаралық конкурс – 5, Республикалық ғылыми жұмыстар – 17, Республикалық түрлі байқаулар – 10, Республикалық танымдық олимпиадалар – 5, Республикалық «Ақбота» интелектуалдық байқауы – 33, Отандық интернет-олимпиадалары – 95, облыстық ғылыми жобалар байқауы – 48, облыстық пән олимпиадалары – 14, облыстық басқа байқаулар – 18, облыстық интеллектуалдық ойын байқаулары – 284, өнер байқаулары – 43.

2013 жылы мұғалімдер арасында өткен байқау-сайыстардың жеңімпаздары саны: Интернет-олимпиадалар – 16, республикалық деңгейде өткен байқаулардың жеңімпаздары – 6, республикалық конкурстардың жеңімпаздары – 17, облыстық пән мұғалімдері олимпиадасы – 13, облыстық түрлі байқаулар – 55, халықаралық конкурстарға қатысушыға жетекшілік еткені үшін алғыс хатымен марапатталғандар – 7, республикалық ғылыми жарыстар жеңімпаздарына жетекшілік еткені үшін алғыс хатымен марапатталғандар – 12.

2014 жылғы ҰБТ қорытындысы бойынша 112 мектепті 4580 бітіруші оқушының 2662-уі (58,12%) қатысып, орташа балл 73,64 болды.

Жобаның қысқаша түйіндемесі:

Мақтаарал ауданы Қазақстанның ең қиыр оңтүстігінде орналасқан. Батысы мен оңтүстігінде – Өзбекстан Республикасымен, шығысында – Сарыағаш ауданымен, солтүстігінде – Шардара ауданымен шекаралас. Аудан 1928 жылы қараша айында Мырзашөл аймағындағы шөл даланы игеру мақсатында құрылды. 1997 жылғы 24 сәуірдегі Қазақстан Республикасы Президентінің Жарлығына сәйкес бұрынғы Мақтаарал, Асықата, Жетісай аудандары қосылып, іріленген Мақтарал ауданы құрылды.

Ауданның аумағы 176 898 га құрайды. 2014 жылдың 1 қаңтардағы мәлімет бойынша халықтың саны – 299,3 мың адам. Әкімшілік орталығы – Жетісай қаласы, облыс орталығы Шымкент қаласынан 231 шақырым қашықтықта орналасқан. Аудан 24 әкімшілік-аумақтық бірліктен тұрады. Олар – 1 қала, 3 кент және 20 ауылдық округтерінен құралады. Әрбір шаршы шақырымға шаққандағы халықтың тығыздығы 144,7 адам. Аудандағы 176 елді мекенде 60-тан аса ұлт өкілдері өмір сүруде.

Жобаның аясында Оңтүстік Қазақстан облысы, Мақтаарал ауданы мектептері мұғалімдерінің ғылыми-әдістемелік жұмысы арқылы оқушылардың ақпараттық және медиа сауаттылығын, зерттеу дағдылары мен шығармашылық қабілетін дамыту мақсатында жұмыстар жүзеге асырылатын болады.

Мақсатты топ, жобаны іске асыратын аумақ:

Мақсатты топ – Оңтүстік Қазақстан облысының Мақтаарал ауданы мектептері мен колледждерінің оқушылары мен педагог қызметкерлері.

Жобаны іске асыратын аумақ – Оңтүстік Қазақстан облысының Мақтаарал ауданы.

2014 жылдың қыркүйек айындағы мәлімет бойынша ауданда барлығы 122, оның ішінде 116 жалпы орта мектеп, 6 негізгі орта мектеп, 1 «Дарын» мектебі бар. Оған қоса 2 саз мектебі, 2 спорт мектебі, 1 оқу-өндірістік комбинаты, әскери оқу орталығы және балалар мен жасөспірімдер шығармашылық орталығы жұмыс істейді.

2014-2015 оқу жылының басындағы білім беру ұйымдарындағы оқушылар саны – 67027 оқушы. 2014-2015 оқу жылында білім беру ұйымдарында барлығы 8175 мұғалім жұмыс істейді. Олардың 7446-сы жоғары, 729-ы орта арнаулы білімді ұстаздар. Оның ішінде 7229 мұғалім ауыл мектептерінде, 946 қала мектептерінде қызмет істейді.

Мұғалімдердің жоғары санаттысы – 805, І санаттысы – 2885, ІІ санаттысы – 2684, санаты жоқтар – 1821. Педагогтар саны 2014 жылы 250 мұғалімге артқан.

Жобаны қысқаша сипаттау:

Оңтүстік Қазақстан облысының Мақтаарал ауданы мұғалімдері мен оқушыларына арналған арнайы maqtaaral-bilim.kz танымдық-білім Интернет-ресурсы (сайт, портал) жасалатын болады;

Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білім ұйымдарының педагог қызметкерлеріне арналған «Ғылыми-әдістемелік жұмыс арқылы оқушылардың ақпараттық және медиа сауаттылығын, зерттеу дағдылары мен шығармашылық қабілетін дамыту» атты қысқа мерзімдік курс ұйымдастырылатын болады;

Мектептер мен колледждер оқушылары арасында «Мырзашөлім – мырза елім» атты өлкетану ғылыми конференциясы ұйымдастырылады;

Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білім ұйымдарының педагог қызметкерлеріне арналған «Үздік педагог – зерттеуші» конкурсы өткізіледі;

Колледждердің студенттері және мектептердің оқушылары арасындағы барлық пәндер бойынша «Үздік жас ғалым» конкурсы өткізіледі;

Колледждердің студенттері және мектептердің оқушылары арасындағы барлық пәндер бойынша «Үздік жас қаламгер» шығармалар конкурсы өткізіледі.

Жобаны іске асырудағы әлеуметтік әріптестік:

Оңтүстік Қазақстан облысы, Мақтаарал ауданы әкімдігі, білім, жастар ісі жөніндегі басқармалары мен бөлімдерімен арнайы әлеуметтік серіктестік орнатылады.

Күтілетін нәтиже:

Оңтүстік Қазақстан облысының Мақтаарал ауданы мұғалімдері мен оқушыларына арналған арнайы maqtaaral-bilim.kz танымдық-білім Интернет-ресурсы (сайт, портал) тұрақты түрде жұмыс істейтін болады;

Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білім ұйымдарының педагог қызметкерлеріне арналған «Ғылыми-әдістемелік жұмыс арқылы оқушылардың ақпараттық және медиа сауаттылығын, зерттеу дағдылары мен шығармашылық қабілетін дамыту» атты қысқа мерзімдік курс тұрақты түрде жұмыс істейтін болады;

Мектептер мен колледждер оқушылары арасында «Мырзашөлім – мырза елім» атты өлкетану ғылыми конференциясының жинағы басып шығарылады, қатысушылар Сертификаттармен және Грамоталармен марапатталады;

«Үздік педагог – зерттеуші» конкурсының жинағы басып шығарылады, қатысушылар Сертификаттармен және Грамоталармен марапатталады;

Колледждердің студенттері және мектептердің оқушылары арасындағы барлық пәндер бойынша «Үздік жас ғалым» конкурсының жинағы басып шығарылады, қатысушылар Сертификаттармен және Грамоталармен марапатталады.

Колледждердің студенттері және мектептердің оқушылары арасындағы барлық пәндер бойынша «Үздік жас қаламгер» шығармалар конкурсының жинағы басып шығарылады, қатысушылар Сертификаттармен және Грамоталармен марапатталады.

Қымбатты достар! Сіздерді Астана қаласындағы «Зерттеуші» Республикалық ғылыми-білім беру орталығы қолға алып отырған «Оңтүстік Қазақстан облысы, Мақтаарал ауданы мектептері мұғалімдерінің ғылыми-әдістемелік жұмысы арқылы оқушылардың ақпараттық және медиа сауаттылығын, зерттеу дағдылары мен шығармашылық қабілетін дамыту» атты жобаның аясындағы «Мырзашөл өңірінің білім әлемі» атты арнайы maqtaaral-bilim.kz Интернет-ресурсының жұмысына белсене атсалысып, өздеріңіздің жан жадырататын жақсы жаңалықтарыңыз бен айшықты ақпараттарыңызды жолдап тұруларыңызды сұраймыз!

Құрметпен,

Мырзантай Қожабайұлы ЖАҚЫП,

«Зерттеуші» Республикалық ғылыми-білім беру орталығының директоры, Л.Н. Гумилев атындағы Еуразия ұлттық университеті Телерадио және қоғаммен байланыс кафедрасының доценті, филология

ғылымдарының кандидаты (PhD), доцент (of Associate Professor), Астана қаласы.

02 сәуір, 2015 жыл.